Kultivate

តើអ្នកធ្លាប់ដែលឃើញនរណាម្នាក់ធ្វើការខុសជំនាញរបស់ពួកគេទេ? តើអ្នកហួសចិត្តនឹងពួកគាត់ទេ? ប្រសិនហួសចិត្ត អត្ថបទនេះសក្កសមនឹងអ្នកណាស់ ដើម្បីជៀសវៀងដើរធ្លាក់គន្លងពួកគាត់។  ជំនាញដែលអ្នករៀននៅសាលា មិនថាជំនាញវិជ្ជាជីវ/Technical Vocational Education Traingin (TVET) ជំនាញកម្រិតបរិញ្ញបត្រ បរិញ្ញាបត្រជាន់ខ្ពស់/អនុបណ្ឌិត ឬបណ្ឌិតនោះទេ មិនកំណត់ការងាររបស់អ្នកទាំងស្រុងទេ។ តាមបទពិសោធន៍ និងការសង្កេតរៀងរបស់ខ្ញុំ អ្វីដែលកំណត់ ឬសម្រួសអាជីពការងាររបស់យើងពិប្រាកគឺការងារផ្ទាល់តែម្ដង។ ខ្ញុំជួបច្រើនអ្នករៀនចប់បរញ្ញិបត្រច្បាប់ គណនេយ្យ ព័ត៌មានវិទ្យា ធ្វើការងារជាអ្នកលក់រាយ ឬអ្នកនៅក្នុងផ្នែកទំនាក់ទំនងវិញ។  រឿងរបស់ពួកគាត់ខ្លះស្ដាប់ទៅចៃដន្យ តែខ្លះទៀតមិនចៃដន្យឡើយ។ យ៉ាងណាមិញ មិនថាចៃដន្យ ឬដោយការស្រវ៉ាស្រទាញរបស់ពួកគាត់នោះទេ រឿងនេះសុទ្ធតែអាចបញ្ជាក់បានថា ការងារ (បទពិសោធន៍ការងារ) ធ្វើឱ្យពួកគាត់ដល់ចំណុចការងារមួយដែលគាត់ទទួលស្គាល់ថាវាជាអាជីពរបស់ពួកគាត់។ អ្នកដឹងទេ? តើចៃដន្យដូចម្ដេច?  រឿងគឺថា ពេលកំពុងរៀនជំនាញ (និយាយត្រឹមបរិញ្ញាបត្រទៅចុះ) ពួកគាត់ត្រូវការប្រាក់ដើម្បីគាំទ្រការសិក្សា និងការចំណាយផ្សេងៗ។ ដោយសារតម្រូវការចំបាច់ពួកគ...

វាជាមេរៀនដ៏ល្អមួយដែលខ្ញុំបានរៀនសូត្រពីមេដែលមិនល្អម្នាក់នៅធនាគារ Olala ។ តាមពិតនិយាយថាបទពិសោធន៍មិនល្អក៏មិនត្រូវដែល ព្រោះតាមពិតកិច្ចការ និងបរិយាកាសនៅទីនោះបានបង្រៀនខ្ញុំយ៉ាងច្រើន ទាំងជំនាញដែលទាក់ទងការងារខ្ញុំបច្ចុប្បន្ន ទាំងមេរៀនពីការទំនាក់ទំនងជាមួយបុគ្គលក្នុងសង្គម។ ថ្វីត្បិតតែមេរបស់ខ្ញុំពេលនោះជាមូលហេតុដែលធ្វើឱ្យខ្ញុំចាកចេញពីកន្លែងនោះ តែខ្ញុំមិនបានភ្លេចមេរៀនល្អៗ ដែលគាត់ផ្តល់ឱ្យពេលនោះទេ។ មេរៀនមួយដែលខ្ញុំរំភើប និងចងចាំបំផុតនោះគឺ "រឿងខ្លះវាជាកំហុសរបស់យើង ប៉ុន្ដែប្រសិនយើងចេះនិយាយស្ដាប់ទៅវាតិចតួច និងគួរឱ្យអនុគ្រោះណាស់"។ មានន័យថា ពេលខ្លះយើងបានធ្វើអ្វីមួយខុស នៅពេលយើងរាយការណ៍ដើម្បីសូមការអនុម័ត សម្របសម្រួល និងស្នើសុំការកែប្រែផ្សេងៗ យើងពុំចាំបាច់រៀបរាប់ឱ្យស្ដាប់មើលទៅយើងខុសធ្ងន់ធ្ងរនោះទេ។ ក្នុងន័យនេះ មិនមានន័យថា យើងនិយាយយករួចខ្លួន មិនទទួលកំហុស ឬ ទម្លាក់កំហុសលើនរណាម្នាក់នោះទេ។

នៅក្នុង​បាឋកថា​មួយ​ លោក​ Jim​ Ronh​ (ជី​ម​ រ៉ន)​ លោកបានលើកពីគន្លឹះអភិវឌ្ឍខ្លួនត្រង់ចំណុច​ ជណ្ដើរហិរញ្ញវត្ថុ (Financial Ladder) ថា​ "អ្នកទទួល​បានប្រាក់ឈ្នួលអាស្រ័យលើតម្លៃរបស់អ្នកក្នុងទីផ្សារ ទោះបីជាតម្លៃរបស់អ្នកប្រើប្រាស់ពេលវេលាក៏ពិតមែន ប៉ុន្តែ​អ្នកមិនត្រូវបានផ្តល់ប្រាក់សម្រាប់ពេលវេលាឡើយ"​។  លោកបានលើកឡើងថា មនុស្សម្នាក់អាចរកបាន ៥ដុល្លារក្នុងមួយម៉ោង ដោយសារតម្លៃរបស់គេលើទីផ្សារគឺបានប៉ុណ្ណឹង ខណៈអ្នកខ្លះអាចទទួលបាន ៥០ដុល្លារ ឬ ៥០០ដុល្លារ។ តម្លៃនៃការផ្តល់ឱ្យទាំងនោះជាជណ្ដើរហិរញ្ញវត្ថុ (Financial Ladder) របស់យើងម្នាក់ៗ។ មានន័យថាយើងម្នាក់ៗអាចបង្កើនតម្លៃបាន។ ដូច្នេះសំណួរនៅពេលនេះ គឺ តើយើងត្រូវធ្វើដូចម្ដេចដើម្បីបង្កើនតម្លៃរបស់ខ្លួនបាន? ពាក្យមួយឃ្លានៅក្នុងបាឋកថានោះដែលលោក Jim Ronh បានសង្កត់ធ្ងន់គឺ ផ្តោតលើខ្លួនឯងឱ្យច្រើនជាងអ្វីអ្នកដែលធ្វើលើការងាររបស់អ្នក (ប្រសិនការប្រែសម្រួលលំអៀងសូមយកតាមន័យដើមភាសាអង់គ្លេស Work hard on yourself than you do on your job. ) ។  រឿងសំខាន់ ៣​ យ៉ាងដែលអ្នកត្រូវផ្តោតលើខ្លួនឯងជាងការងាររបស់អ្នកនោះគឺ ជំនាញ ភាសា និងបណ្ដាញទំនាក់ទំនង។​ ទាំងនេះជាកត្ដា ៣ យ៉ាងដែលជួយឱ្យអ្នកសម្រេ...

វាមានសារសំខាន់អ្នកដែលកំពុងស្វែងរកការងារ។ ការរៀបចំប្រវត្តិរូបការងារបានល្អជួយឱ្យមានឱកាសទទួលបានការងារកាន់តែឆាប់រហ័ស។ ក្រោយពីបញ្ចប់ការសិក្សាថ្នាក់វិទ្យាល័យអ្នកអាចចាប់ផ្តើមទទួលឥទ្ធិពលការងារបន្តិចម្ដងៗហើយ។ អ្នកអាចមានមិត្តភក្តិជាអ្នកធ្វើការផង រៀនផង ហើយមេរៀនដែលអ្នករៀនសុទ្ធតែមានទាក់ទងនឹងការងារ និងធុរកិច្ច។ ម្យ៉ាងទៀតសាស្ត្រាចារ្យខ្លះ គាត់បំពេញការងារក្រុមហ៊ុនឯកជនផង បង្រៀនសិស្សថ្នាក់មហាវិទ្យាល័យផង ដូច្នេះអ្នកប្រាកដជាទទួលឥទ្ធិពលពីការងារមិនខានឡើយ។ ឥទ្ធិពលពីបរិបទសង្គម ជាពិសេសពីមិត្តភក្តិអាចនឹងជំរុញឱ្យអ្នកចង់ចាប់ផ្តើមការងារដែរ ដូច្នេះអ្នកត្រូវមានប្រវត្តិរូបដ៏ល្អមួយដើម្បីស្វែងរកការងារ។ អត្ថបទខាងក្រោមនេះយើងនឹងនិយាយពីការងាររៀបចំ CV/Resume ដែលមានលក្ខណៈគ្រប់គ្រាន់ដើម្បីធ្វើការដាក់ពាក្យស្វែងរកការងារបាន។ លក្ខណៈទូទៅពីប្រវត្តិរូបការងារ លក្ខណៈខុសគ្នារវាងពាក្យ CURRICULUM VITAE (CV) និងពាក្យ Resume Resume ជាឯកសារដែលពិពណ៌នាចំណុចសំខាន់អំពីបទពិសោធការងារ ប្រវត្តិការសិក្សា និងជំនាញ អាចមួយ ឬពីរទំព័រតែប៉ុណ្ណោះ។ ចំណែក CV ជាឯកសារមានលក្ខណៈវែង និងលម្អិតដែលពិពណ៌នាពីប្រវត្តិការងារទាំងមូល។ គេប្រើ Resume ក្នុងការស្វែងរកការងារ រ...

តើប្រិយមិត្តធ្លាប់ឮពីភាពជាអ្នកដឹកនាំដែរឬទេ? រឿងសំខាន់មួយដែលយើងចំបាច់រៀនវាគឺផលិតភាពការងារ។ នៅពេលដែលអ្នកដឹកនាំ និងអ្នកដែលត្រូវបានគេដឹកនាំយល់ដឹងពីភាពជាអ្នកដឹកនាំផលិតភាពការងាររបស់ពួកគេកាន់តែប្រសើរមួយកម្រិត។ ប៉ុន្ដែមួយរឿងមួយគួរឱ្យចាប់អារម្មណ៍ណា មិនគួរណាគេច្រើនមើលរំលងវាទៅវិញ នោះគឺការដឹងនាំខ្លួនឯង។ ដូចដែលបានលើកឡើងមុននេះ ប្រសិនណាបុគ្គលមានភាពជាអ្នកដឹកនាំនោះគេក៏អាចជំរុញផលិតភាពការងារ​ និងការអភិវឌ្ឍខ្លួនឯងបានដូចគ្នា។ អ្វីជាចំណុចចំបងក្នុងការដឹកនាំខ្លួនឯង? តាមពិតវាជារឿងសាមញ្ញា គ្រាន់តែអនុវត្តឱ្យបានល្អសម្រាប់មនុស្សជាច្រើន ហើយអ្នកដែលធ្វើបានប្រាកដជាទទួលបានលទ្ធភាពគួរជាទីគាប់ចិត្ត និងជោគជ័យត្រចះត្រចង់។ ចំណុចចំបងនោះ គឺវិន័យ។​ លោកហោ ចាន់រដ្ឋា ជាស្ថាបនិក Rotha Leadership​ និងអ្នកស្រាវជ្រាវភាពជាអ្នកដឹកនាំមួយរូបបានលើកឡើងថា “កុំធ្វើលេងៗ ចង់បានលទ្ធភាពមែនទែន។” ដែលនេះជាខ្លឹមសារទាក់ទងនឹងវិន័យបុគ្គលអាចសម្រេចលទ្ធផលបានល្អ។ សុភាសិតខ្មែរមួយក៏លើកឡើងដូចគ្នានេះដែរ “វិន័យនាំមកនូវសេចក្ដីថ្លៃថ្នូរ។” ដែលលទ្ធផលដែលបានមកពីការសម្រេចកិច្ចបានល្អនេះហើយដែលធ្វើឱ្យយើងមានសេចក្ដីថ្លៃថ្នូរ។ ប្រសិនវិន័យមានគុណតម្លៃដូចនេះ យើងគួរមានវិន័យពិត...

ខ្ញុំធ្លាប់ឮបុគ្គលជោគជ័យជាច្រើនណែនាំឱ្យអ្នកស្ដាប់របស់គាត់ប្រកាសប្រាប់មនុស្សជុំវិញខ្លួនពីគោលដៅរបស់ពួកគេ ដោយនិយាយប្រាប់អ្នកស្ដាប់ទាំងនោះថា “កាលណាយើងប្រាប់មនុស្សជុំវិញខ្លួនឱ្យបានដឹងពីគោលដៅ យើងនឹងខំសម្រេចវាដោយមិនបោះបង់” ។ សំណួររបស់ខ្ញុំគឺថា តើយើងពិតជាត្រូវកំណត់គោលដៅក្នុងជីវិត ហើយរក្សាផ្ដាច់ប្ដូរមិនបានបោះបង់ពិតមែនទេ? ពេលខ្ញុំរៀននៅបឋមសិក្សា រាល់ពេលបវេសនកាលលោកគ្រូអ្នកគ្រូតែងសួរនាំសិស្សានុសិស្សថាតើពួកគេចង់ក្លាយជាអ្វីដែលពេលអនាគត។ កាលនោះខ្ញុំមិនដឹងថាខ្ញុំចង់ក្លាយជាអ្វីនោះទេ ព្រោះការងារដែលខ្ញុំស្គាល់មានតែ កសិករ អ្នកលក់ដូរ និងគ្រូបង្រៀនប៉ុណ្ណោះ។ ដោយសារម្ដាយខ្ញុំជាអ្នកលក់ដូរ ឪពុកខ្ញុំជាអ្នកធ្វើស្រែ ខ្ញុំដឹងថាការងារនេះលំបាកហើយទទួលបានប្រាក់ចំណូលតិចតួចណាស់ ទើបរាល់ពេលលោកគ្រូអ្នកគ្រូសួរខ្ញុំថាចង់ក្លាយជាអ្វីនៅថ្ងៃអនាគត ខ្ញុំតែងឆ្លើយថា “គ្រូបង្រៀន” ។ ការពិតគ្មានបញ្ហាអ្វីឡើយចំពោះការងារជាគ្រូបង្រៀន ហើយសិស្សភាគច្រើនក៏ចង់ក្លាយជាគ្រូបង្រៀនដែរ។ ខ្ញុំតែងឱបក្រសោបគ្រូបង្រៀនជាការងារក្នុងក្ដីស្រម៉ៃរបស់ខ្ញុំ រហូតដល់រៀនថ្នាក់អនុវិទ្យាល័យខ្ញុំបានស្គាល់ពីកុំព្យូរទ័រ និងរៀនភាសាបរទេស (ជំនាន់ខ្ញុំកម្មវិធីសិក្សារដ្ឋកម្រិតបឋ...

ឈានដ៏វ័យសិក្សាកម្រិតឧត្តមសិក្សា និស្សិតភាគច្រើនចង់រកការងារធ្វើដើម្បីផ្គត់ផ្គង់ការចំណាយលើការសិក្សា និងការប្រើប្រាស់នានា ទទួលបាទបទពិសោធន៍ និងត្រៀមខ្លួនក្នុងវិថីការងារនាពេលអនាគត។ យោងតាមការទិន្នន័យរបស់ National Center for Education Statistics (សហរដ្ឋអាមេរិក) និស្សិតរៀនផងធ្វើការផងមានរហូតទៅដល់ប្រមាណ ៧៩%។ តើអ្នកស្ថិតនៅក្នុងចំណោមភាគរយដល់ច្រើននេះដែរឬទេ? អ្នកប្រហែលសង្ស័យលើខ្លួនឯងថាតើ ពេលណាអ្នកសក្កិសមនឹងដាក់ពាក្យការងារលើកដំបូង។ អត្ថបទនេះនឹងប្រាប់អ្នកពីជំហានសំខាន់ និងអ្វីដែលអ្នកត្រូវការដើម្បីត្រៀមខ្លួនសម្រាប់ការងារដំបូងរបស់អ្នក។ មានជំនាញមួយចំនួនសមស្របតាមតម្រូវការការងារ ពិតណាស់យើងត្រូវមានជំនាញមួយចំនួនដើម្បីបំពេញការងារបាន។ ដូច្នេះយើងត្រូវសិក្សាពីសមត្ថភាពខ្លួនឯងថាតើយើងមានជំនាញអ្វីខ្លះ ជំនាញនីមួយៗ យើងធ្វើបានកម្រិតណា? តាមធម្មតា ដើម្បីមានឱកាសទទួលបានការហៅសម្ពាសច្រើនយើងគួរដាក់ពាក្យតែការងារណាដែលយើងមានទំនុកចិត្តធ្វើវាបានពី៧០% ទៅ ៨០% នៃទំនួលខុសត្រូវការងារនោះ។ ពេលគេជ្រើសរើសបុគ្គលិកមានសម្រង់ ភារកិច្ច និងទំនួលខុសត្រូវ ការងារជាច្រើន ប៉ុន្ដែយើងមិនចាំបាច់មានគ្រប់សព្វដូចការប្រកាសនោះក៏បាន។ សម្រង់ភារកិច្ច និងទំនួលខុ...